السلام عليكم ورحمة الله وبركاته
ياترى هتدعي بإيه النهاردة
بكرة ليلة الرؤية، وإن شاء الله ممكن بعده يكون رمضان،
إنتو عارفين إن الصحابة رضوان الله عليهم كانوا بيجهزوا دعواتهم قبل رمضان
وده لإيمانهم إن لكل صائم دعوة لاترد، وبالفعل ماكان يمر العام إلا وتجاب دعواتهم
الرمضانية.
إيه رأيكو لو من بكرة نكتب هنا هندعي بإيه أول مانسمع الأذان عالفطار،
وكل يوم بدعوة لنفسك ولكل أعضاء المنتدى وللمسلمين بعدهم
ولو مش عارف تدعي بإيه ممكن نغش الدعوات من بعضنا
مع إني متأكدة إن كل واحد مننا عنده طلبات كتير أوي
وأكيد مش هنغلب فالدعوات
بس نبلغ بعض كل يوم بدعوة اليوم اللي بعده
عشان نشجع بعض، ونجدد النوايا كل يوم
والدعوة الأولى مؤقتا
اللهم بارك لنا وتقبل منا صالح الأعمال في شعبان
وبلغنا اللهم رمضان وارزقنا حسن عبادتك
وحلاوة طعم الإيمان بك
اللهم آمين